كنت بتصل من مده قريبة بخالتي وفضلت أحكي معها علي البيت القديم اللي ساكن فيه جدي وسمعت منها كلام فضلت بعده حاسس بشعور غريب جداً وحنين شديد لهذا البيت , البيت ده قديم جداً ومن الطوب اللبن جدي بني بيت تاني جديد وما عرف يسكن فيه مش لاقي راحته غير في البيت القديم وأنا زيه والله مش بلاقي راحتي راحتي غير في البيت ده بحسه جزء لا يتجزأ مننا راحة الدنيا كلها فيه , البيت الجديد اللي بناه جدي حاول يسكن فيه بس ما إرتاح البيت القديم ده لا فيه تكييف ولا الكلام ده بس تكييفه رباني تلاقيه في الصيف بارد وجوه مميز وفي الشتاء جوه دافئ ومن أجمل ما يكون بسيط جدأً وبساطته هي سر جماله ,,, كم أشتاق إلي بيتنا القديم